Verwaltunge

An de Oostsiete von de Schaulhoff sünd de Rüüme förr Verwaltunge un annere Saken. De wichtichste Room is dä Schaulkontorooder Schriefstoben. Wenn Kinner malade oder annerswat nicht oppen Damme sünd, finnt sei heier Hülpe.

Da dichte bie sünd de Schaulmesterstoben mid Bäukerkammer, de Kontor von de Schaulbaas (dat is de Böbberste von de Schaule), lüttje Rüüme förr Saken förr’t Reinemoaken un taun middenanner Schnacken un alle Klosetts (Aftritte).

Üms Eck sünd de Warkstäh, de Kopeer- un Rumpelkammer un de Klönstoben förr de Reinemoakefruunslüe. Un an’t Enne is de Turnhalle.

De Köke, de Lesestoben, de Room vonn Schaulknecht, de Heimatstoben un de Saal liijet de Stiege hoch an de annere Siete.

De Schaulrüüme

An de Westsiete von Schaulhoffe staaht de Schaulruumtrakt midde acht Schaulrüüme un twei Kaamers förr´’t Arbeien in Jruppen.

Jedes Joahr rücket de Klassen wieter. De iersten Klassen fanget links unnen an und ziehe in de tweite Klasse nar bobben.  In de dritten Klasse gaaht et taurücke nar unnen, awer nach rechts. Un de veierte Klassen sünd denne weer bobben.

De Warkstäh

In de Warkstädde künnt wij alles moaken, Warken, Kunst, Textiles Jestalten, Experimente, …. Et gifft Warktüüg förr alle grooten un lütten Saken tau moaken un wij künnt kröppeln un pruckeln as öse Hart will.

De Saal

Wij sejjt taun Saale ok “Aula”, awer et blievt en richtich jroote Room unner de Daak von oolen Schaulhuus.

Heier is de Schaulmusike un de Chor singet wat, wij dräpet össek förr Schaulversammlunge un wij fieert öse Schaulfiere.

In’t Schapp sünd Instrumente, wij künnt össek in Speijel angluppschen un op de Büühn Theater moaken

De Kaamers förr de Betreuunge

In Kelller un in ein Klassruum moaket de pädagogische Middearbeierinnen öhre Betreuung förr de Ierst- un Tweitklässlers. Et gifft Speel- un Bastelecken, Dische taun Arbeien un Lernen, ne lüttje Kletetrjerüste un ein Dischfautballspeel. Speeltüch gifft et natürlich ook. Awer wenn de Weer gaut is, gaahn de Kinneren mehrst nar butten un speelt op’n Schaulhoffe

 

De Turnhalle

De Turnhalle is de marodste Deil von de Schaule. De Stadt hat nu Stützen ut Beton ebauet, damidde de Rückwand nich opn Schaulhoffe fallt. Awer de Putz fallt binnen runner, de Heizunge schaffet et blots nar lauwarm un dör de Fenstere pfeifet de Wind. Leewe Lüe von dä Stadt Münnen, da steiht noch bannig wat ut!

De Schaulhoff

De Schaulhoff is dreiedeilt:
Vor de Schuppen speelt wij  Fautball. In de Midde gifft dat Tischtennis un heier springet und loopet wij un fäuhrt mit Wakeboars un Rollers.
Um’t Klettergerüste speelt un klettert un schaukelt wij.
Nebenanne op de Speelwiesche bie de Turnhalle gifft dat noch ‘ne Sandspeelkist, fief Schunkeln, ‘ne Rutsche un annerswat taun Klettern.

Schauldiek un Obstwiesche

Vor de Schaule liejet eine Streuobstwiesche und de Schaultdiek. De Schauldiek hat nen Toon drummerumme, förr dat kein Minsch rinfallen daut.

De Köke (Schaulköke)

Öse Fördervereine harre de Köke inerichtet un utstaffieret. Et chifft allet, wat man förr’t kooken bruukt.

Wij nutzet de Köke rejelmäßich förr Unterricht, Projekte un Fieren as Inschaulunge, Sömmerfeste un St. Martin. In de Adventstiede duftet de chanze Verwallungstrakte nar Keksen un de Schaulbaas mutt allet probeiern!