De Verwaltunge

In Osten von Schulhoffe liejet de Rüüme, Kaamers un Butzen för Fachunnericht un Verwaltunge. De Schaulkontor un Schriefstoben is hier tau finnen, de Schaulmesterstoben midde Bäukerkamm, Kaamers taun Bespreken un Förderen, de Lesestoben, de Stoben förrn Schaulknecht, de Köke un de Saal. Nar de annere Siete finnst du de Kammer von de Schaulbaas, de Warkstäh, de Kopeer- un Rumpelkammer, de Klönstoben un de Turnhalle.

De Aftritte förr Schäuler un Schaulmesters sünd ook doa tau finnen un in de Butze Saken förr’t Reinemoaken.

De Schaulrüüme

An de Westsiete von Schulhoffe staht de Schaulruumtrakte. Hier sünd acht Schaulrüüme un twei Kaamers förr’t Arbeien in Jruppen.

Jedet Jahr rücket de Klassen wieter. De ierste Klassen fänget links unnen an, se ziehet in de tweite Klasse nar booben. Förr de dridde Klasse gaht dat dann wedder nar unnen rechts un de veierte Klasse sütt denne wedeer booben.

De Köke

De Schauköke hat allens, wat du taun koken un backen un äten bruukst.

Et gifft Käuhlschapps, Späuen un ne Jeschirrspäulmaschine, Herde un Backobens, Pannen, Pötte, Jeschirr und Besteck un annerswat, wat taun koken nötich is.

De Warkstäh

Hier moaket wij Kunst un Werken. Wij künnt mid Papeer, Metall, Ton un Holt arbeien  Et gifft Warktüüch förr all dat un mehr un taun Reinemoaken giffft dat ok ne jroote Waschbecken. Förr’t Experimentieren in Sachunnericht künnt wij de Ruum ook gaut bruuken.

Wij hewwt ook ne Brennoben förr Saken ut Ton un Klei, awer düsse staaht in Keller sau as de Kreissaage taun Vorberieten.

De Lesestoben

In de Lesestoben gifft dat Bäukers, Bäukers un Bäukers. Sei staaht in Regalen, awer taun jemütlichen Lesen gifft dat ook de Süttecke mid Teppich, Säcke taun Sütten un Bänke. Taun Arbeien staaht da ook normaale Dische un Stäuhle.

De Turnhalle

De Turnhalle is de marodste Deil von de Schaule. De Stadt hat nu Stützen ut Beton ebauet, damidde de Rückwand nich opn Schaulhoffe fallt. Awer de Putz fallt binnen runner, de Heizunge schaffet et blots nar lauwarm un dör de Fenstere pfeifet de Wind. Leewe Lüe von dä Stadt Münnen, da steiht noch bannig wat ut!

 

De Saal

De Saal is unner’t Daak vonn Altbaue. Hier singet de Schaulchor, wij moaket de Schauversammlunge, wij fiert öse Schaulfeste un wij hewwt saugar ne Bühne un ne Wand mid Speigels.

De Kaamers förr de Betreuunge

In Kelller un in ein Klassruum moaket de pädagogische Middearbeierinnen öhre Betreuung förr de Ierst- un Tweitklässlers. Et gifft Speel- un Bastelecken, Dische taun Arbeien un Lernen, ne lüttje Kletetrjerüste un ein Dischfautballspeel. Speeltüch gifft et natürlich ook. Awer wenn de Weer gaut is, gaahn de Kinneren mehrst nar butten un speelt op’n Schaulhoffe.

 

De Schaulhoff

De Schaulhoffe hat veer Deile: De Ballspeelbereich taun Fautballspeelen, de Speel- und Fäuhrbereich midde Tischtennisplatte un Platz taun Fäuhern mid Skateboards, Rollers und Waveboards, und de Kletterjrüste mid Schaukeln. Dahinner ums Eck is de Speelwiesche mid mehr Schaukeln, Hangelbogen, Sandkassen un Speelhuus.

 

De Sportwiesche

Hinner de Schaule liejet de Sportwiesche. Wij hewwt dä Wiesche taun Rumrennen un Smieten, de 75-Meter-Laufbahne un ne Kuhle mid Sand taun Rinhüppen.

 

Schulteich un Streuobstwiesche

Vor de Schaule liejet eine Streuobstwiesche und de Schaultdiek. De Schauldiek hat nen Toon drummerumme, förr dat niemand rinfallen daut.

De Museum

Besonnerswat is de Gimter Heimatstuuv. In ein nich ebruukten Klassenruum in Altbaue hejet un plejet Fruu Steiner un öhre Midstrieter de Sammlunge mid Saken ut de Gimter Geschichte.